وش هو موقع سوق و كيف أستخدمه؟
التعريف بالموقع
سوق موقع يتيح لك تبيع وتشتري بعمولة بالهلل!.
سوق ما راح يخصم من حسابك أي مبلغ إلا اذا أنت قررت تشحن محفظتك بنقاط المشتريات مره ثانيه!.
اذا كنت البائع، سوق ما يطلب منك تشحن حسابك أو تدفع شي على إعلانك، فقط العمولة بعد ما تتواصل مع مشتري صامل وتتم البيعة، تقدر ترجع لإعلانك وتدفع العمولة منه.
مهما كان سعر البيعة، عمولة سوق تبقى بالهلل ولا تتغير.
سوق يسهّل عليك تشحن محفظتك حسب اللي تقدر عليه.
و يعطيك 8 خيارات او باقات حسب اللي تقدر تشحن فيه حسابك.
سوق يتيح لك بعد مزاد حقيقي وعادل عشان محد يبخس سلعتك ولا يتلاعب بك.
سوق يحمي خصوصيتك بحيث إن محد يطّلع على رقم جوالك او ملفات منتجك أو خدمتك الخاصه الا بعد ما يدفع نقطة واحدة ويثبت جديته بالتواصل معك.
عمولة الموقع بعد البيع والشراء متاحة و إنت وضميرك!.
تسجيل الدخول
التسجيل جداً سهل وسلس في سوق.
تقدر تختار لغتك المفضلة بالضغط على العلم.
تقدر تضغط على كلمة تسجيل وتفتح حساب خلال دقيقة أو أقل.
تقدر تضغط على كلمة دخول وتدخل بأقل من ثانية إذا عندك حساب.
وتقدر تشوف ملف العضوية حقك وتستعرض منتجاتك اللي عرضتها وطلباتك اللي طلبتها ومزاداتك اللي شاركت فيها.
كيف تشتري نقاط المشتريات من متجر سوق؟
بعد ما تسجل حساب بالموقع راح تشوف المحفظة والرصيد
إضغط على أيقونة شحن الرصيد باللون الذهبي + وراح تفتح معك صفحة نقاط المتجر
إختر الباقة اللي ودك تشتريها ولاحظ إن الباقات الاكبر سعرها أرخص
حط معلوماتك قبل تكمل عملية الدفع
عندك خيارين للدفع الأول خيار منفذ تاب TAP والثاني خيار منفذ PayTabs
بعدها راح تفتح معك نافذة الدفع وتدفع ببطاقتك
أول ما تخلص دفع وتنجح عملية الدفع راح تشوف رصيدك زاد بالمحفظة
تقدر تستخدم هالرصيد في 4 خدمات بموقع سوق
كل خدمة من هالخدمات راح تكلفك نقطة وحدة فقط! يعني حرفياً هللات أقل من ريال سعودي واحد
البحث عن الإعلانات
عشان تلقى السلعة أو الخدمة اللي محتاجها، عندك أكثر من طريقة في سوق
قبل كل شي، الصفحة الرئيسية للموقع تعرض لك اخر 100 إعلان نزل في كل انواع الاسواق بموقع سوق
أول طريقة من الصفحة الرئيسية للموقع، تقدر تبحث عن أي اعلان بالموقع وراح يطلع لك
إضغط على الإعلان اللي يطلع من البحث وشوف اذا يناسبك او لك رغبة فيه
الطريقة الثانية هي بالضغط على الأيقونات أو الصور الدائرية للأسواق بالصفحة الرئيسية
تطلع لك صفحة بحث مخصصة بالسوق اللي ضغطت عليه
اذا تبي تبحث في مدينة معينة وسوق معين مثل سوق الوظائف أو سوق العمالة في مدينة جدة او سوق قطع الغيار في مدينة الظهران، تقدر تخصص البحث حقك وتطلع كل الاعلانات المعروضة بالموقع اللي طلبته بدقة عالية
كيف ومتى تدفع بنقاط المشتريات؟
سوق يحمي خصوصية المعلن بحجب رقمه للمشاهدين ماعدا الراغبين بالتواصل معه وشراء خدمته او سلعته، ولذلك يفرض عمولة بقيمة نقطة واحدة واللي تكلفتها بالهلل، عشان يظهر رقم المعلن للراغبين في التواصل معه.
في سوق، البائع والمشتري يدفعون عمولة بالهلل على 4 أشياء فقط.
إظهار رقم جوال المعلن.
إظهار الملفات والتقارير الخاصة بالاعلان والمعلن مثل تقارير موجز للسيارة وغيرها.
عمولة الموقع بعد الشراء للمشتري وبعد البيع للمعلن ، وهالعمولة متروكة لضمير المشتري والبائع.
الدخول في المزاد لإثبات الجدية.
كيف أنشر إعلاني؟
من الصفحة الرئيسية، أضغط على صندوق - إنشر إعلانك هنا- وراح تدخل على صفحة نشر الإعلان.
إختار السوق اللي يخص إعلانك، أو اختار الأسواق الغير مصنفة في اخر القائمة.
عبي استمارة الاعلان وإنشر اعلانك.
موقع سوق حريص على المصداقية والدقة في الإعلان وما يقبل ان المعلن يحتال او يغش الاخرين.
من صفحة ملفي، تقدر تحذف إعلانك بعد ما تنتهي حاجتك منه.
لا تنسى تدفع عمولة موقع سوق لأنها بالهلل وغير مكلفة وطريقة شحن حسابك سهلة جداً :).
تقدر تنشر إعلانك في منصات كثيرة من الأيقونات اللي تطلع لك أسفل اعلانك.
يمديك ترد على الأسئلة اللي تجيك ولا تنسى إنه راح يتم تقييمك من المشترين أو الاشخاص اللي يتواصلون معك بعد وصولهم لرقمك او وسيلة اتصالك اللي حطيتها بالإعلان.
كيف ادخل المزاد و وش نظامه؟
اذا كان الإعلان اللي استعرضته من الاعلانات اللي قرر صاحبها يخليها بيع بالمزاد، راح تلقى تحت نص الاعلان مكتوب لك - ادفع نقطة عشان تدخل المزاد- وهنا راح تدفع هللات عشان تدخل.
بعدها راح تبدا السوم من اقل سعر حدده صاحب الاعلان او البائع.
الجدول تحت الإعلان بيكون فيه سومات اللي قبلك، لازم تسوم بمبلغ اعلى من السومة المتصدرة.
المزاد له وقت يحدده البائع او صاحب الاعلان، اذا انتهى المزاد ، صاحب اعلى سومه يحق له التواصل مع البائع ويكمل بيعته خارج الموقع.
بعد ما تكمل اجراءات الشراء او البيع خارج الموقع، تقدر ترجع وتقيم البائع.
تواصل معنا للملاحظات والشكاوى
إذا واجهت مشكلة أو حصل عندك خلل بتقنية وعمل الموقع أو اذا كان عندك ملاحظة أو شكوى، راسلنا على قناة التواصل أدناه.
Ksa.So0G@gmail.com